Екскурзија 2017

Изминатиов период (19-30.06.2017), вработените од нашето училиште имаа можност да ги усовршат своите знаења од англискиот јазик преку конверзација, со примена на разновидни наставни методи, како и при неформално дружење и посети на различни места и знаменитости во Скопје и Македонија.
Реализатори на овој проект беа студенти од Универзитетот Биола во Калифорнија (САД) и членови на здружението Crossroads. Активностите се одвиваа во просториите на училиштето, како и на разни локации близу Скопје (Аквадуктот, кањонот Матка, Старата скопска чаршија).
Завршната активност беше дводневна екскурзија низ Западна Македонија (Битола, Охрид, Ростуше, Маврово). Ова исклучително искуство беше позитивно оценето и од реализаторите и од учесниците. Упатуваме голема благодарност до гостите и се надеваме и на идна успешна соработка.