Реализирана вежба за Евакуација во подрачно училиште

На 12.11.2021 година, петок во 10:00 часот се реализираше вежба за Евакуација при земјотрес и пожар во подрачното училиште. При самата вежба беа вклучени сите ученици од заедно со своите наставници.

Почетокот на земјотресот го означи звучен сигнал кој ги предупреди присутните во училиштето дека има земјотрес. Учениците под непосредно раководство на наставниците кои се на час се засолнија. Потоа се организираше напуштање на училишната зграда согласно Планот за евакуација на училиштето по училници кон излезот на објектот.

Тимот за одговор при катастрофи на Црвен крст Скопје преку својата служба организира пункт за следење на состојбата со евакуираните, повредените, исчезнатите и загинатите лица во земјотресот, давање навремени информации до надлежните органи и јавноста за состојбата со згрижените лица и сл. По завршувањето на оваа вежба пристапија пожарникарите со упад преку главниот влез и го изгасија пожарот. Изведбата на вежбата ја следеа и вработени од централното училиште и истата беше успешно реализирана.